Ամերիկյան Time ամսագիրը «Տարվա մարդ» է ճանաչել «ԱԲ ճարտարապետներին», որոնց թվում են «XAI»-ի գործադիր տնօրեն Իլոն Մասկը, «Meta»-ի հիմնադիր Մարկ Ցուկերբերգը և «OpenAI»-ի գործադիր տնօրեն Սեմ Ալտմանը:
«ԱԲ ճարտարապետները «Time»-ի կողմից ճանաչվել են 2025 թվականի տարվա մարդ», - ասված է ամսագրի կայքում։
Շապիկին, որը նախագծված է հայտնի «Ճաշ երկնաքերի վրա» լուսանկարի նման, պատկերված են Ցուկերբերգը, Մասկը, Ալտմանը, «Nvidia»-ի գործադիր տնօրեն Ջենսեն Հուանգը, «AMD»-ի գործադիր տնօրեն Լիզա Սուն, Google-ին պատկանող «DeepMind» արհեստական բանականության ընկերության գործադիր տնօրեն Դեմիս Հասսաբիսը, «Anthropic»-ի գործադիր տնօրեն Դարիո Ամոդեյը և «ImageNet»-ի հիմնադիր Ֆեյ-Ֆեյ Լին՝ քաղաքի վերևում գտնվող պողպատե գերանի վրա նստած։