ԱՄՆ պետքարտուղար Մարկո Ռուբիոն հանդիպում է ունեցել Մեծ Բրիտանիայի արտգործնախարար Իվեթ Քուպերի հետ, որի ընթացքում կողմերը քննարկել են Հորմուզի նեղուցում նավարկության ազատության վերականգնման անհրաժեշտությունը։
Ինչպես նշվում է, չնայած ԱՄՆ-ի և Իրանի միջև ավելի վաղ հայտարարված ժամանակավոր հրադադարին, տարածաշրջանում լարվածությունը պահպանվում է, իսկ երկարաժամկետ կարգավորման դեռևս չի հաջողվել հասնել։
Հորմուզի նեղուցը շարունակում է մնալ էներգակիրների մատակարարման համաշխարհային առանցքային երթուղիներից մեկը. դրանով է անցնում հեղուկացված բնական գազի համաշխարհային առևտրի մոտ 20%-ը, ինչը տարածաշրջանում տիրող իրավիճակը համաշխարհային շուկաների համար չափազանց զգայուն է դարձնում։